|
La casa
La Cuort Ligia Grischa a Trun, in dils pli bials ed imposants edifecis dalla regiun, ei in’attracziun per indigens e turists. Quella casa patriziala en stil baroc ei vegnida costruida el 17avel tschentaner sco cuort claustrala, ei daventada la sedia dalla Ligia Grischa ed ei oz in museum da historia locala e regiunala.
La sala da dertgira ei ornada culs uoppens dils Landrechters dapi la fundaziun dalla Ligia Grischa 1424 e dapi 1790 cun quels dils magistrats ord il territori dall’anteriura Ligia Grischa.
La stiva digl avat ha in marviglius tabliau, ina excellenta lavur cun intarsias da differents lenns indigens.
Igl art dat oz in impurtont accent alla Cuort Ligia Grischa.
Per ils dus pli enconuschents artists da Trun, ils picturs Alois Carigiet e Matias Spescha ha la Cuort mintgamai endrizzau ina stiva permanenta cun da lur ovras originalas.
La gallaria d’art presenta 3-4 exposiziuns transitoricas ad onn.
Il museum cumpeglia era collecziuns da cultura populara, d’armas e da cudischs.
Dils 15 d’avrel – 31 d’october
gliendisdis, mesjamna, sonda e
la 2. e 4. dumengia dil meins,
14.00 – 17.00 uras
Visetas da gruppas e sentupadas privatas ein era pusseivlas ordeifer quei urari
Dora Candinas, tel. 081 943 11 39
Giusep Decurtins, tel. 081 943 33 88
|
romontsch
Seite drucken 
