Trun vargau e present
Il cudisch „Trun - vargau e present“ ei ina publicaziun realisada 2011 per incumbensa dalla vischnaunca da Trun.
Sin 368 paginas porscha el ina massa informaziuns che pertuccan las spartas principalas sco historia, architectura, economia, sport, cultura, natira ed ambient. Ei setracta buca d’ina ovra scientifica, mobein d’ina publicaziun beinfundada che presenta da maniera capeivla ed attractiva la vischnaunca da Trun.
Bunamein 400 fotografias ed illustraziuns sustegnan ed amplificheschan ils texts. Ina carta faldada dat ina survesta dil territori dalla vischnaunca.
Detgas, fatgs remarcabels e meinis da vischinas e vischins da Trun cumpleteschan il maletg d’ina vischnaunca cun ina liunga historia e cun in interessant svilup.
Il cudisch relata era da bia bunas prestaziuns sil camp musical e sportiv e metta en evidenza Trun sco liug da cultura ed art.
Trun - vargau e present
IL NIEV CUDISCH DA TRUN EN VENDITA
Publicaziun primavera 2011
Vus saveis retrer il cudisch da Trun „Trun - vargau e present“ direct tier la canzlia communala.
Il prezi da vendita munta a 60.00 francs.