Via Dulezi 1 | Caum postal 9 | 7166 Trun | Tel. 081 920 20 40 | canzlia@trun.ch

OGNA

Cun la sculptura transibla OGNA relai igl enconuschent artist Matias Spescha in’ovra unica da gronda attracziun. La vischnaunca da Trun – liug da sia naschientscha – ei s’engaschada per la realisaziun dalla scultpura ed ha mess a disposiziun il terren. Numerus promoturs ein segidai finanzialmein da realisar l’ovra ch’ei vegnida inaugurada il matg 2013.

 

La construcziun ei aviarta viers tschiel e mesira 48 m ella lunghezia, 30 m ella ladezia e 5.5 m ell’altezzia, las preits da betun colligiadas ina cun l’autra han ina fermezzia da 30 cm – in’ovra diltutafatg impressiunonta. Las preits egl intern dalla sculptura ein ornadas cun maletgs digl artist che cuvieran grondas parts dalla surfatscha, gest sco quei ch’el haveva previu en siu model. Egl intern sesanflan plasticas digl artist.

 

L’unica acustica carmala musicists e musicistas d’experimentar cul tun. Muort quell’acustica extraordinaria organisescha la Fundaziun OGNA regularmein in concert duront la stad. La sculptura sa denton era vegnir affittada per concerts ni events specials sin giavisch.

 

Tenor il giavisch da Spescha eis la pli gronda scupltura transibla en Svizra accessibla alla publicitad da tut temps. La sculptura ei contonschibla sur ina senda per pedunzs che meina sper la plazza da giugs vi. L’entrada secatta ella part davos viers igl uaul d’ogna, dil qual la sculptura ha survegniu siu num.

 

Film cultural OGNA

 

Homepage OGNA