Exposiziuns 2017

 

 


Museum Sursilvan Cuort Ligia Grischa Trun

 

Quater exposiziuns ein previdas uonn en nies Museum.

2017 muossa il Museum Sursilvan era aunc ina exposiziun speciala davart Martin Martini (1565-1610), fravi d'aur e gravader d'irom, oriunds da Trun/Zignau.

 


Exposiziuns 2017

 

 


Martin Martini - ina exposiziun tut speciala

 

Exposiziun: dils 13-05 entochen 31-10-2017


 

 


Martin Martini

 

 


Invitaziun alla vernissascha ed exposiziun dad Ueli Meier

 

 


Ueli Meier

Exposiziun Ueli Meier


Cun l’exposiziun dad Ueli Meier va il program d’exposiziuns 2017 en la Cuort Ligia Grischa a Trun a fin. Ueli Meier ei naschius 1949 a Bülach, cantun Turitg ed ha fatg in emprendissadi da dessignader scientific alla scola d’art applicau a Turitg. Duront siu studi eis el separticipaus vid l’impurtonta ovra da tablas per cerclem dalla frima Ciba–Geigy ed ha recaltgau gronda experientscha egl art d’aquarellisar. Quei demuossa sia habilitad e facilitad da dessignar cun gronda precisiun cun rispli e cun pennel. Ei dat strusch tematicas ni tecnicas da malegiar e stampar cun las qualas el ha buca gia fatg enconuschientscha: dessegns scientifics, cuntradas, portrets, acts, travs da lenn vegl, animals e caricaturas. Dapi 1993 habitescha el cun sia famiglia en ina casa da Gualsers a Tenna GR, nua ch’el ha era endrizzau siu vast atelier.
Nuorsas, cauras, biestga e vestas da valladas dil mund puril muntagnard ein en mira dil pictur artist Ueli Meier da Tenna. En formats pigns e gronds catt’ins reproducziuns da piculezzas ord la vischinonza digl artist. El sviluppescha ina massa ideas e tecnicas ch’el transpona en presentaziuns figurativas ed abstractas, adina cun ina certa logica. Ueli Meier conceda ch’el fetschi semplamein tut, mintgamai tenor gust e plascher. El gauda l’independenza e sto buca viagiar pil mund entuorn per retscheiver impuls. Cun sia carezia pil detagl anfla el siu mund en la vischinonza da sia casa, dil vitg. Regularitad e harmonia ein d’impurtonza fundamentala per Ueli Meier. Quei resplendan lu era las cumposiziuns da ses maletgs. L’atgna casa bein situada cumpeglia in spazi da viver ordinau nua che habitar, luvrar, architectura e presentaziun fuorman ina unitad. L’exposiziun permanenta entscheiva davos igl esch d’entrada, s’extenda da scala si, tras ils spazi da habitar tochen en la secunda alzada tier il vast atelier.
Tochen ussa ha Ueli Meier  giu numerusas exposiziuns en Svizra, Tiaratudestga ed en siu atelier. Ed ussa expona el ina part da sias ovras a Trun en la Cuort Ligia Grischa. A caschun dalla vernissascha fa Walter Deplazes, Surrein, l’introducziun en l’ovra artistica dad Ueli Meier e Christian Barenius, Trun, procura pil rom musical.
 


 



Ueli Meier

 

Exposiziun: dils 16-09 entochen 28-10-2017

 

 


Ueli Meier

 

 


Uras d'avertura dil Museum

Dils 22 d’avrel – 31 d'october

Gliendisdis, mesjamna, sonda e
la 2. e 4. dumengia dil meins
14.00 – 17.00

Informaziuns: 
Dora Candinas,     tel. +41 81 943 11 39 ni
Giusep Decurtins, tel. +41 81 943 33 88


Info dalla vischnaunca

  • Administraziun dalla vischnaunca
  • Caum postal
  • 7166 Trun
  • Tel. 081 920 20 40
  • Fax 081 920 20 49
  • E-Mail
  • Contact
  • Uras da spurtegl
  • Gl - Gi: 9.30 - 11.30 / 15.30 - 17.30
  • Ve: 9.30 - 11.30 / 15.30 - 17.00