Exposiziuns 2019

Museum Sursilvan Cuort Ligia Grischa

Exposiziun cun ovras dalla artista Carla Gabri

WELtRÄUME IN TRUN"

Vernissascha:    14-09-2019 allas 17:00
Exposiziun:        15-09 tochen ils 30-10-2019


Carla Gabri

Carla Gabri ha 28 onns e doctorescha momentan alla universitad da Turitg el seminar da cinematografia e lavura sco pictura  ed artista da video a Turitg.  Ella ei carschida si a Zizers e passenta da pign ensi sias vacanzas a Trun. Fascinada dil lungatg figurativ subtil da Alois Carigiet e dallas proporziuns pregnantas da Matias Spescha retuorna ella a Trun cun l‘exposiziun „WELtRÄUME IN TRUN“  che s’occupescha cun ils dus picturs artists e cun l’historia artistica dil vitg. Da veser ein differents objects e maletgs,  tablas da scartira digitala, entagls en linol, films da 16mm sco era maletgs sin lenn barschau.

 


Exposiziuns finidas

Exposiziun cun ovras dalla artista Rosi Egi-Maissen

„Glisch e sculpturas"

Vernissascha:    03-08-2019 allas 17:00
Exposiziun:        03-08 tochen ils 08-09-2019


Tenor il tetel „Glisch e sculpturas“ expona Rosa Egi-Maissen ina schelta fetg varionta da sias ovras che mettan igl element glisch respectiv fiug el focus sco per exempel scadialas cun flommas ed elements da glisch. Plinavon muossa ella en sias sculpturas sia fascinaziun per fatschas e moviments che dattan a sias figuras veta ed in agen caracter.

 

 


Exposiziun cun ovras dalla artista indigena Yvonne Gienal

Han tut mes patratgs plaz sut igl ischi
 

Vernissascha:  
  01-06-2019 allas 17:00, performance Barla Coluccello e Thomas Cathomen
Exposiziun:        03-06-27-07-2019

In element, ina illustraziun ni era in ornament dil pictur-artist Aluis Carigiet serva sco punct da partenza per ils maletgs dalla nova seria dad Yvonne Gienal.

L‘artista dat negina indicaziun da tgei ovra ch‘ei setracta. La rolla digl observatur ei da scaffir ina punt denter quels objects, las fuormas e las differentas parts dil maletg. Gest en quei mument nescha l'ovra dad Yvonne Gienal.

 

 



MALETGS ORIGINALS
DILS CUDISCHS D‘AFFONS
Alois Carigiet

Vernissascha:  
13-04-19, 17:00 uras
Exposiziun:        13-04-19 – 25-05-19


Exposiziun Flurina

Ils enconuschents cudischs d'affons  digl artist-pictur indigen Alois Carigiet (1902-1985) ein aunc oz in scazi tut singular. Las illustraziuns originalas da tschun da ses cudischs naven da Maurus e Madlaina tochen tier Flurina dattan perdetga dalla veta e cultura sursilvana da gliez temps.

Maletg sura: Maletg original da Alois Carigiet/ motiv ord il
cudisch d’affons „Flurina“ da Alois Carigiet, cumparius tier
Orell Füssli  © Orell Füssli Turitg



Informaziun:

www.museum-trun.ch

museum@trun.ch

Tel. 081 943 25 83

 


Info dalla vischnaunca

  • Administraziun communala
  • Via Dulezi 1
  • Caum postal 91
  • 7166 Trun
  • Tel. 081 920 20 40
  • Fax 081 920 20 49
  • E-Mail
  • Contact
  • Uras da spurtegl
  • Gl - Gi: 9.30 - 11.30 / 15.30 - 17.30
  • Ve: 9.30 - 11.30 / 15.30 - 17.00