L’emprema exposiziun da 2012 ella Cuort Ligia Grischa ei dedicada a Willy Reber, in artist paunc enconuschent, ch’ha denton scaffiu numerusas ovras d’art. Reber ei naschius 1922 a Grenchen e morts 1995 a Valbella. Duront tut sia veta ha el fatg art mo per sesez. Perquei leva il miedi, perscurtader, inventader, pianist ed artist Reber buca che sias ovras vegnien presentadas al publicum duront sia veta. Dapi 1996 ha la fundaziun Willy Reber cun sedia a Vaz quitau da sias ovras. Quella fundaziun ha è gia publicau cudischs cun ovras da Willy Reber. Reber experimentava cun dil tuttas sorts materials, realisava denton sias ovras mo cu in tema concret steva a cor ad el. Il historicher d’art Guido Magnaguagno ha fatg ina schelta per l’exposiziun ella Cuort Ligia Grischa. Magnaguagno ei era president dalla Fundaziun Ogna. Tras sia intermediaziun sustegn la Fundaziun Willy Reber il projet Ogna da Matias Spescha cun ina summa considerabla. Guido Magnaguagno ei denton era garant per la qualitad dallas ovras da Willy Reber che vegnan exponidas a Trun. L’exposiziun a Trun ei ina occasiun singulara per tgi che less cumprar in’ovra da Willy Reber. Ovras da quella interessanta persunalitad ein tochen ussa aunc strusch stadas en vendita ed han cheutras ina valeta speciala.
Willy Reber
Exposiziun naven dils 14/04 - 26/05/2012
Vernissascha: 14-04-2012 / 17:00
100 onns Fabrica da ponn Trun
Exposiziun naven dils 02/06/ - 14/07/2012
Vernissascha: 02-06-2012 / 17:00
Lawrence McLaughlin
Exposiziun naven dils 21/07 - 01/09/2012
Vernissascha: 21-07-2012 / 17:00
Retrospectiva pils 75avel anniversari da Rudolf Mirer
Exposiziun naven dils 08/09 - 31/10/2012
Vernissascha: 08-09-2012 / 17:00