Senda d'art spel Rein

 

La Senda d’art a Trun, ch’ei vegnida aviarta ils 19 da matg 2007, ei stada ed ei in success cumplein. Igl onn 2008 eis ella vegnida prolungida viers ost tochen tier il parcadi alla entrada dil campadi e s‘extenda ussa sin 1.5 km. Uonn dat ei puspei midadas. Zacontas sculpturas ni figuras ein vegnidas allontanadas. Persuenter expona in tschuppel exposituras ed expositurs dalla regiun mo era da pliras parts dalla Svizra figuras, sculpturas, plasticas novas ni sepresentan cun installaziuns specialas. La Senda d’art spel Rein vegn ussa a cumpigliar ver 60 exponats. La diversitad e l’attractivitad crescha cheutras puspei considerablamein. Sco survetsch als visitaders vein nus montau sut las treis tablas d’informaziun scafettas per ils flyers.

 

 


Access

Direcziun Cuera-Glion-Trun Suenter l’entrada el vitg, dadens la garascha Mazzetta, a seniester traversar ils binaris dalla viafier viers sid, sur ina pintga punt, lu a seniester e suandar la signalisaziun. La senda d’art entscheiva ella vischinonza dil niev baghetg dil campadi e meina sin ina tschancun dad 1.5 km viers vest.

Direcziun Mustér-Trun Ir atras il vitg, avon la garascha Mazzetta prender la via sur ils binaris dalla viafier en direcziun sid, sur ina pintga punt, lu a seniester e suandar la signalisaziun. La senda d’art entscheiva ella vischinonza dil niev baghetg dil campadi e meina sin ina tschancun dad 1.5 km viers vest.

 

 


Senda d'art 2016

 

 


Persuna da contact

 

Renata Decurtins-Deplazes

081/943 33 88
079/754 90 23

renatadecurtins@kns.ch

 

 


Veta sculptura da Gerhard Heisler

Gerhard Heisler, Saarbrücken

 

 


Installaziun ella Senda d’art a Trun

 

Gerhard Heisler , fotograf ed artist da Saarbrücken, ha dapi zacons onns ina simpatia speciala per nossa regiun.  En la cava da crappa dalla Truffer SA en Val s. Pieder ha el anflau il crap che corrispunda a ses giavischs ed intents sco artist. Ed igl interess e la fascinaziun  per la Senda d’art spel Rein a Trun han intimau el da plazzar leu ina installaziun che simbolisescha la veta dil carstgaun.  Naven dad in crap da seser meina la via dalla veta indicada cun craps da scarpetsch denter duas preits ord petgas da crap, periodas dalla veta, viers treis petgas da quarzit che san significar la finamira finalaed ein plazzadas en direcziun dalla baselgia da Nossadunna.
Quella installaziun dat nova veta ed augmenta la valeta ed attractivitad dalla Senda d’art.

 

 


Kerstin Heinze Landquart

Kerstin Heinze, Landquart

 


Lucienne Decurtins Turitg

 

Lucienne Decurtins, Turitg


Claudia Alig Winterthur

Claudia Alig, Winterthur


Info dalla vischnaunca

  • Administraziun dalla vischnaunca
  • Caum postal
  • 7166 Trun
  • Tel. 081 920 20 40
  • Fax 081 920 20 49
  • E-Mail
  • Contact
  • Uras da spurtegl
  • Gl - Gi: 9.30 - 11.30 / 15.30 - 17.30
  • Ve: 9.30 - 11.30 / 15.30 - 17.00