Trun ed igl art

Cumparegliau cun autras vischnauncas dalla Surselva sa Trun bein valer sco center digl art e digl artisanadi. Quei ha entschiet cun Alois Carigiet. Cu el ei turnaus a Flutginas ed ha installau leu siu atelier, ha el era surpriu empau la rolla da mentur. El hagi „dau glisch verda“ a Matias Spescha ed era a Gieri Schmed da sefatschentar da rudien cun la pictura ed ir la via digl art. Auters ein suandai lur exempel. A Trun ni oriunds da Trun dat ei segir denter 15 -20 persunas che sefatschentan cun art ed artisanadi. Nov da quels han era gia fatg ina exposiziun communabla en favur dalla reconstrucziun dil sontget a Gravas. Ed era vid la Senda d’art spel Rein ein ils biars separticipai. Ils dus pli enconuschents e renomai ein secapescha Alois Carigiet e Matias Spescha. Ella Cuort Ligia Grischa a Trun san ins admirar mintgamai en ina sala speciala ovras originalas da Carigiet e da Spescha.

Cun perseveronza e capientscha sefatschentan per exempel era Gieri Schmed, Fortunat Cagienard, Leo Demund, fis Guldimann,  Gioni Defuns e Luis Defuns cun art ed artisanadi. Ils dus davos han schizun atgnas gallarias. Tut quels ein gia sepresentai pliras gadas cun success al publicum.

 


Center Art

Info dalla vischnaunca

  • Administraziun dalla vischnaunca
  • Caum postal
  • 7166 Trun
  • Tel. 081 920 20 40
  • Fax 081 920 20 49
  • E-Mail
  • Contact
  • Uras da spurtegl
  • Gl - Gi: 9.30 - 11.30 / 15.30 - 17.30
  • Ve: 9.30 - 11.30 / 15.30 - 17.00

News