Nossa perschuasiun
La veta humana ha adina senn, era en siu pitir, ed ella vul en mintga situaziun vegnir respectada dignamein.
Mintga fasa dalla veta ha sia impurtonza. La davosa fasa ha ina impurtonza zun gronda pil madirar d’in carstgaun.
Nus essan obligai, da dar la pusseivladad als carstgauns sils onns, da contemplar lur veta vargada e lur avegnir e da cumplenir la veta en dignitad. Quei el senn christian. Nus essen ina "casa senza euthanasia e senz’agid al suicid", el senn dalla definiziun dalla societad hippocratica Svizra. Nossa peisa gronda schai sin la tgira palliativa.
Ils attempai han gronds merets e ton la societad sco era els dueien vegnir pertscharts da quels.
Ils pli impurtonts cavazins ord il muossavia dalla Casa s. Martin:
- Normalitad (ritmus da viver)
- Autonomia (vegn mantenida e promovida)
- Respect e dignitad humana en mintga situaziun (collaboraziun denter cussadents e responsabels)
- Dretg da disponer (en rama dil pusseivel)
- Sfera privata ed intima (sco era possess individual vegnan respectai)
- Tgira palliativa e sentiment da sigertad (peisa gronda plitost silla dignitad ed il sesentir bein dil cussadent che sin curar)
- Nus dalla Casa s. Martin fagein pusseivel, che persunas sils onns san emplenir il temps ch'ei aunc avon els cun veta e senn