Muossavia batten

Entras il sacrament dil Batten vegn in carstgaun incorporaus en Cristus e cheutras prius si ella cuminonza dalla Baselgia.
 
 
Entginas indicaziuns praticas
 
Tgi che vul seschar battegiar ni schar battegiar siu affon, s'annunzi per plascher tiel plevon per discuorer pli precis sur dil proceder.
 
Padrin e madretscha ein d'eleger precautamein. Silmeins in duei esser catolics e ver ina sauna relaziun cun la Baselgia.
 
 
Ils loghens da batten ordinaris ein la baselgia parochiala da Trun ni la baselgia da Zignau, perquei ch'ils cartents serimnan regulariamein en omisdus loghens per il survetsch divin. En omisduas baselgias dat ei era in crap da batten ed in tscheri pascal. In batten ha liug la dumengia ni duront la s. messa ni en in'atgna celebraziun (a Trun: allas 11.30 ni allas 14.00; a Zignau: allas 14.00).
 
Tgi che vul schar battegiar siu affon autrora e/ni entras in auter spiritual/diacon, duei ver igl accord dil plevon.